Frederik Difental bilan ijodiy uchrashuvda ishtirok etdim.

Frederik Difental va Ulug‘bek Xudoyberganov

Bolaligimdan men sevib tomosha qiladigan filmlar qatorida "Taksi" filmi alohida o‘rin tutadi. Sababi bu filmning naqt to‘rtta qismi yurtimizda ommalashgan, sauntracklar ham yoqimli. Kinokartinani orginal talqini uyoqda qolib, "Gobliddin tarjima" variantiga ham ko‘zimiz tushgan. Xullas shu filmlarda "Emelien" obrozini yaratgan fransiyalik aktyor Frederik Difental 2012-yil yurtimizga kelib ketgan edi. Taniqli kino-aktrisamiz Zarina Nizomiddinova bilan Toshkentda tushgan surati esa haligacha kompyuterimda bor. Lekin u vaqtda men maktab o‘quvchisi bo‘lganman, Difental kelganini televizorda ko‘rganman. 2023-yilgi "Toshkent xalqaro kinofestivali" 29-sentyabr kuni bo‘lib o‘tgan Kinofestivalni ochilish marosimining kulminatsiyasida aynan Difental milliy liboslarimizda sahnaga chiqib keldi. O‘zbek tilida zalda o‘tirganlar bilan salomlashdi, marosim so‘ngida 2023-yilgi "Kan" xalqaro kinofestivalida g‘olib bo‘lgan "Yiqilish anatomiyasi" filmini ko‘rishimizni tavsiya qildi. Lekin shu kuni Difentalni yoniga yaqinlashishning imkoni bo‘lmadi. Ertasi kuni "Rennesans kino uyi"da aynan Difental bilan ijodiy uchrashuv belgilangan edi. Albatta bu uchrashuvga ham bordim, qiziq tomoni zalda asosan talabalar jamlangan ekan. Aktyor qo‘l telefonlarda foto va videoga olmasliklarini iltimos qilibdi. Shu sababdan uchrashuv boshlanmasidanoq telefonlarga suratga olish taqiqlandi. Ijodiy uchrashuv boshlanishi bilan aktyor zaldan savol so‘radi. Qo‘l ko‘tardim, ishonasizmi Difental bilan uchrashuvga yig‘ilgan yuzdan ziyod odamlar ichida birinchi bo‘libman.

O‘zim tanigan aktyorga uchta savol berishga imkonim bo‘ldi: 1-O‘zingiz ijro etgan obrozlardan chiqib ketishingiz uchun qancha vaqt talab etiladi? 2-Biror bir film mashhur bo‘lishi qiyin, Taksi filmida esa dastlabki to‘rtta qismi xalqaro maydonda mashhurlikka erishdi, buning siri nimada deb o‘ylaysiz? 3-Bu Toshkentga ikkinchi kelishingiz, bu safar qanday o‘zgarishlarga guvoh bo‘ldingiz?

Frederik Difental barcha savollarimga shoshmasdan, batafsil javob qaytardi. Umuman shu kun berilgan hech bir savolga Difental ha yoki yo‘q, deb o‘tib ketmadi. Har bir savolga atroflicha fikrlar bilan javob berdi. Men uchun eng unutilmas hodisa uchrashuv ohirida sodir bo‘ldi. Tadbir tashkilotchilaridan biri, zalga yig'‘lganlar, iltimos, sahnani ikkita tomoniga navbat bilan turinglar va bitta-bitta sahnaga chiqib suratga tushinglar, deb e‘lon qildi. Men esa: - "Vau, nahotki? super imkoniyatku", deb sahna yonidagi zina tomon harakatlandim va zina oldiga birinchi keldim. Birinchi bo‘lib nargi zinadan bir yigit chiqib Difental bilan suratga tushdi, keyin men bu tomondan sahnaga chiqib, Difentalni yonidagi kursiga o‘tirib suratga tushdim, Difental bilan qo‘l berib ko‘rishdim. Shunda tashkilotchilardan biri, "Bitta-bitta suratga tushirmaymiz, vaqt ketyapti, qani hamma sahnaga chiqsin, bitta umumiy suratga tushiramiz", dedi. Chunyapsizmi, agar men navbatda birinchi bo‘lib qolmaganimda Difental bilan birga tushgan suratim bo‘lmasdi.

Frederik Difental bilan tushgan suratim men uchun eng unutilmas fotosuratlarimdan biri bo‘ldi. Xudo xohlasa bu rasmni kelajakda bolalarim, nabiralarimga ham ko‘rsatib, hammasini hikoya qilib beraman.