 |
| Oybek Aliyev |
Сизга биргина имконият беришдан ҳадиксирашар экан, бу уларнинг муаммоси, уларнинг ожизлиги...
* * *
Сиз, ё ҳозиргидан кўпроғига қодир эканингизга ишонинг, ё бундан бошқасига ярамаслигингизни тан олинг.
* * *
Мен ҳеч нарсага даъвогар эмасман, асло, шунчаки Худо лойиқ кўргани учун ,эҳтимол, маҳкум этгани боис яшаяпман. Ҳар қандай ҳолатда Худо ҳал қилади...
* * *
Бошқалардан айб, хато ахтариш билан яшаманг, умрингиз беҳуда ўтади, зеро, ҳукм Аллоҳнинг ўзида... Қалбингизни тозаланг, вақт ўтяпти...
* * *
Кимдир ўз муаммосини ўзи тушунмайди, бу эса бошқалар учун муаммо уйғотади...
* * *
Сиз ўзингиз қўл ураётган ишнинг келажагини ҳам кўра оласизми? Жавобингиз муҳим...
* * *
Биз қайсидир омадсизликлар, йўқотишлар, муваффаққиятсизликларда айбдор топишни маъқул кўрамиз. Аммо охир-оқибат бу тўғри эмаслигини тушунишимиз керак...
* * *
Энг тўғри чорани, эртами-кечми, Худо дилимизга солади...
* * *
Яхшиси кутманг... Кутмаганингизда ҳайрон қоладиган воқеа содир бўлади...
* * *
Бу қандай қонуниятки, одамлар айтган сўзларини унутиб, ҳеч нарса бўлмагандек яшайверадилар...
* * *
Мардлик у қадар мушкул иш эмас. Бировга ёлғондан кўра ростини айтсангиз, шу ҳам сизнинг мардлигингиз бўлади...
* * *
Кўпроқ Худони тани, сен кутган одамларни Ўзи йўлиқтиради...
* * *
Ҳамма нарсанинг ўз вақти-соати бор, бундан бошқача бўлиши мумкин эмас... экан.
* * *
Биз етиб борган ҳар бир фикр қўлга киритилган ғалаба дегани...
* * *
Бизга нечоғли азоб бермасин, баъзи саволлар жавобсиз қолар экан...
* * *
"Ўзингизни қувонтиришнинг энг осон йўли бошқаларни қувонтиришга қилган ҳаракатингиздир".
* * *
Аллоҳнинг розилиги энг оддий муносабатларга ҳам боғлиқ экани ҳақида бирор кун тушуниб қоларсиз.
* * *
Фарзандларни тарбиялаш ҳақидаги гап-сўзлардан кўра улар билан ёнма-ён бўлишни уддалай олишимиз муҳимроқ
* * *
Инсоннинг ожизлиги шундаки, у ўз туйғулари баробар муносабатларни кутади...
* * *
Бошланиши осон бўлмаслиги табиий...
* * *
Муаммо шундаки, кўпчилик борича, бир бутун бўлишни эмас, балки ўзидан алоҳида, бошқа бировни ясашга, бошқача таассурот қолдиришга зўр бериб уринади...
* * *
Нима учун ҳаммаси яхши ва бир текис кечиши керак?.. Ундай бўлмайди. Шундай эканини тушуниш эса қийинмас...
* * *
Билмадим, буни яна неча марта айтаман: Худо сизга берганларига ҳиёнат қилманг, бас...
* * *
"Ҳеч қачон бировларга лой отманг, нишонга теккизолмаслигингиз мумкин ва қўлингиз ифлослигича қоласиз".
* * *
Белгиларни илғай олсанг бас...
* * *
Баъзан кескин қарор қилишга тўғри келса ҳам, уларнинг оқибатидан қўрқиш керак эмас, чунки буни Худо тақозо этади...
* * *
Истакнинг ўзи етмайди, насиб деган тушунча бор...
* * *
Э Худо, нима учун ҳаммаси бошқачароқ бўлмади, дейсан илинж билан... Шу илинж билан қоласан...
* * *
Кўп нарсани такрорлаб бўлмайди, бунга уринишнинг ҳожати ҳам йўқ...
* * *
Ҳаммаси тушунарли: танлаш вақти келди...
* * *
Ҳар ким ўзини қутқариб қолишга уринади. Унинг ожизлиги ҳам шунда. Одамни тушунинг!
* * *
"Ўтмиш қора туйнукка ўхшайди. Унга яқинлашсанг, ўз домига тортиб кетади".
* * *
Мен охирги гапни айтолмайман. Чунки Худодан олдин ҳеч нарса деёлмайман.
* * *
Масалан, “Жокер” бадиий фильми нима учун эътибор қозонди? Гап шундаки, ҳар бир одам ботинида Жокер бор...
* * *
Нафратни ҳис этиш учун ҳам одамларни севишингиз керак...
* * *
Фақат Худонинг қонуниятларигина ўз кучида қолади.
* * *
Мантиқнинг оддий қонунияти бор: "Сабаб тушунилмас экан, оқибат билан курашиш беҳуда".
* * *
Кимдир сени эслаганда кўнгли ёришса, бу ёруғлик сени қутқаради...
* * *
"Аблаҳлар туғилмайди, шаклланади".
* * *
Бахтиёр бўлиш учун бахтиёр инсонларга кўз ташлаш етарли...
* * *
''Баъзи нарсаларни фақат уни бажарибгина ўрганамиз''.
* * *
Худонинг эртаси кўп. Эҳтимол, у менга аталмагандир, аммо бугун бор ва у ҳали тугамади...
* * *
Сиз аввал бошқалар муваффақиятини тан ола билинг....
* * *
Мен сиздан ҳеч нима сўрамайман, аммо мендан ҳеч нарсани қизғонманг.
* * *
Пауло Коэлодан эътиборли мулоҳаза: "Ҳеч қачон одатларинг сени бошқаришига йўл қўйма".
* * *
Кўп ҳолларда гап ёшингиз ёки тажрибангизга эмас, балки муносиб жавобингизга боғлиқ бўлади. Муносиб жавоб - муносиб яшаш...
* * *
Истасак биз учун танлаб беришади, лекин... бундан кўра ўзимиз танлаганимиз маъқул...
* * *
Истеъдодли одамлар ёнида ўтган вақтим ёруғ ва хайрли излар қолдиришига барибир ишонаман...
* * *
Мен сени йўқотганимга анча бўлди, энди бир-биримизни тополмасак керак. Буни тушун...
* * *
Шуниси аниқки, сиз барибир олдингиздаги эмас, бошқа қаердадир оқаётган сувни қадрлайсиз...
* * *
Кошки хоҳлашнинг ўзи билан иш битса, ундай бўлмайди.
* * *
Кимдадир фақат унга насиб этган туйғулар бор.
* * *
Нафақат бошқаларга, ўзингга ҳам имкон бер...
* * *
Колмокда гунох куп, кетмокда эмас...
Oybek Aliyev!
Комментарии
Отправить комментарий