Yana bir sen kabi jonon
Borligiga ishonmasman
So‘zingdek so‘zlari dono
Borligiga ishonmasman.
Sochingdan tarqalur anbar
Desam kamlik qilur, dilbar
Bo‘yingdek bo‘ylari zebo
Borligiga ishonmasman.
Jim qolar to‘zg‘igan shamol,
Agar sen tabassum qilsang.
Seningdek bulbuli go‘yo
Borligiga ishonmasman.
Adoying ko‘p, fidoying ko‘p,
Shaydoying ko‘pdir dunyoda,
Senga mendek biror shaydo,
Borligiga ishonmasman.
 |
| Foto: "Инфанта" |
Комментарии
Отправить комментарий